BESA E ARTË, PROJEKTI QË PO MERR FORMË NË LIGËN E DYTË

BESA E ARTË, PROJEKTI QË PO MERR FORMË NË LIGËN E DYTË

22/10/2026 19:23

Një emër i ri, një menaxhment i ri dhe ambicie të mëdha. Besa e Artë është një nga skuadrat që po tërheq vëmendje këtë edicion në Ligën e Dytë të Kosovës, duke treguar se projekti i nisur gjatë verës po jep rezultatet e para.

Klubi nga Qyshku i Pejës, i njohur më parë si Dardania, këtë edicion ka nisur një kapitull të ri në historinë e tij. Me emrin Besa e Artë dhe një strukturë të re drejtuese, synimi është i qartë: ngritja e klubit pejan drejt sukseseve të reja.

Pas 11 ndeshjeve të zhvilluara, Besa e Artë renditet në pozitën e pestë me 25 pikë të grumbulluara, falë tetë fitoreve, një barazimi dhe vetëm dy humbjeve. Me golaverazh +18, skuadra ka dëshmuar cilësi si në repartin ofensiv, ashtu edhe në atë defensiv.

Merita të mëdha për këtë ecuri i takojnë edhe kryetrajnerit Liridon Gashi, i cili po bën një punë të rëndësishme në ndërtimin e një skuadre konkurruese, që synon të jetë pjesë e garës për pozitat e kreut.

Në repartin sulmues po spikat Wudee Iliya Bisat, i cili me gjashtë gola të realizuar është golashënuesi më i mirë i skuadrës deri në këtë fazë të kampionatit.

Me një fillim premtues dhe një projekt që po zhvillohet hap pas hapi, Besa e Artë duket e vendosur të mos mbetet vetëm një pjesëmarrëse në Ligën e Dytë, por të shndërrohet në një skuadër që synon më shumë.

A do të jetë Besa e Artë një nga surprizat më të këndshme të këtij edicioni? Vazhdimësia e kampionatit do ta japë përgjigjen.

🌐 kosovascore.com

#BesaEArte #LigaEDyte #FutbolliKosovar #KosovaScore

Përmbajtja ekskluzive e KosovaScore.com mbrohet nga Ligji Nr. 08/L-205; kopjimi ose ripublikimi pa lejen tonë do të ndiqet ligjërisht.